رواية الموت ماهو من الفرقى وطاريها الموت.!؟ >> للكاتبه احلى بدوويه <<

رواية الموت ماهو من الفرقى وطاريها الموت.!؟ >> للكاتبه احلى بدوويه <<



الموت ماهو من الفرقا وطاريها)(
الموت لاطاحت عيوني من عيوني)(


اخليكم ويا القصه


الموت ماهو من الفرقا وطاريها)(
الموت لاطاحت عيوني من عيوني)(




همسهـ

عندما نكتب كثيراً نتردد مع قطرات الحبر التي تتساقط على كتاباتنا...

فلانعلم هل نكتب الحقيقه بكل حذافيرها ام نزيفها بالقليل من الاكاذيب ..

فنجد اننا نحب كثيراً قول الحقيقه ولكن ان اردنا بوحاها نتردد مع نسمات الانتقاد ..

فالأقلام الصادقه تكتب كل مايحدث ولكن تغير الاشياء التي تظن انها شخصيهـ ..

علينا ان نتعلم من تجارب غيرنا فكيف لنا ان نتعلم ونحن لانكتب تجاربنا لغيرنا ..

بالفعل نحن غريبين بكل مانفعلهـ من صائب وخاطئ ..

:/:

الحب مآ اجمل هذه الكلمه ومااكثر من رددها بهذا العالم الذي اصبح

لايفرق بين الحب والنزوهـ

فأصبح الحب ملطخ مع الشهوات والنزوات فلااحد يحب الا ان كان هناك مقابل

فكيف لنا آن نحب ايها العالم وهل نمحي الحب من حياتنا ونتبع شهواتنا ونزواتنا المؤقته

فمصير القلب الذي ينبض ان يون محتاجاً لشخص يتعرشهـ ويكون لهـ المحبوب ..

أين انت ايها الحب في هذا العالم هل اختفيت ام تواريت عن الانظار حتى تتلاشى

هل صحيح ان الناس جميعهم متساوين وجميعهم لايعرفون للحب مكان !..؟

قلبي هل تخبرني ان هناك حب غير مانخطه بصفحاتنا هل هناك حب على وجه الارض ..

نعم هناك حب عنتر لعبله وقيس لليلي وروميو للجوليات وهناك الكثير الكثير ..

ولكن هم كانوا بعالهم نادرين فأذاَ هم بعالمنا نادريين

فلايأتون الا مع دقات القلب الصادقهـ ..

::::
:::
::
::
:

الجزاء الاول ...



لقيت باب الشقه مفتوح انصدمت دشيت والخوف معميني لايكون صار فيهم شي ركضت وانا اصارخ بأسم
شوق : شوااااااااااااااااااقه
ماسمعت رد رديت اصارخ واحاول التفت يمين ويسار بس كل الي شفته خلود وريم منسدحين قدام التلفزيون ولاهم حولي ابد
هيفاء: وجع انشالله ماتشوفوني اصارخ ليه ماتردون يالمخابيل
كانت ريم تأشر لي اسكت يعني الحين متابعه: والي يرحم والديك اسكتي
ولعت الليت الي كانوا مطفينه : انتي وياها ليه فاتحين باب الشقه هاه انتو ناسين وين حنا فيه
خلود : والله موب انا الي فاتحته شوفي ريموه هي الي فاتحته
كانت طالعني ريم بخوف وقالت: هذا حنا قدامك مامتنا ولاتنسين العماره الي فيها كلها خليجيين
صرخت بوجها : انتي مانتي صاحيه انتي تفتحين الباب للكلاب واتقولين ماكو احد ماتشوفين المصايب انتي هاه
كانت مطنشتني ولاكأني احاكي احد ماعرفت وش اسوي عشان احرهم
خذيت الفيش حق التلفزيون وركضت لغرفتي بسرعه وقفلت الباب الحين بس بيتوهقون ماعندنا الا فيش واحد راح يطوفهم الفلم اللي فاتحين فمهم عليه هههههههههههههههههاي
غريبه محد لحق وراي اكيد عندهم سبير فتحت غرفتي وطلعت ادورهم
لقيت التلفزيون مشغل
صرخت : كيف جبتوا فيش ثاني هاه
ضحكت ريم وجلست تلعب بحواجبها يعني بتحرني: حبيبتي حركاتك هذي حفظناها خلاص صار عندنا درزن من الافياش
ضربت الارض من الحره وقلت: مالت بدور شي ثاني احركم فيه هين يالجياكر
ماحسيت الا بشي يمشي يم رجولي صرخت بأعلى الصوت
وصعدت من الخوف على الكنبه : يماااااااااااي شنو هذا
خلود وهي فاطسه ضحك على شكلي: ياطويلة العمر هذا شخص بيعيش ويانا بالشقه
فتحت عيوني على الاخر : الحين البيت يالله يوسعنا تجيبون هالشخص هاه
طالعت الا واشوف الكلب كان شكله يجيب المرض حيل ضعيف ولافيه ولاشعره
قلت : منهي الخبله الي جايبته هاه يعني لو شكله يفتح النفس مشيناها بس يقطع الر***
شفته يروح صوب ريم ويطمر بحظنها طالعتني وهي تبتسم : حبيبتي ماتعرفين هذا الي تقولين جيكر فصيلته نادره واغلب الفنانات كلهم عندهم زي هالكلب
قلت وانا اعفس ملامح وجهي: وع قلديهم على شي سنع موب على هالكلب الي يقطع الر*** هذا لك يعني
شفتها وهي توقف وشايله الكلب بيدها: لو سمحتي لاتغلطين على واوا ترا ماارضى عليه وبعدين ماتعرفين هذا يمكن يحرسك وياكل الي يضرك
ضحكت بصراحه وبعدها جلست وانا ميته ضحك: ههههههههههههههاي خليه خليه يدافع عن روحه بعدين يدافع عني شايفه شكله انتي نتفه واعصل بعد ههههههههههههههههههاي
ضحكت خلود وهي تقول :: انا من ناحيتي شايله يدي منه ماني مسئوله عنه ابد ههههههههههههههههاي
شفت ريم واقفه بس ماهي معنا صرخت بصوت عالي: ريييييييييييييييموه
نطت من مكانها وطاح الكلب من يدها انا وخلود فطسنا ضحك
ههههههههههههههههههههههاي
ريم: وجع انشالله انتي وش فيك مع المصارخ ماترتاحين ابد ماتعرفين للرومنسيه
خلود: الله والرومنسيه الي تعرفها ريموه اقول ماودكم تسكتون وتخلوني اتابع
ذكرت وحده ماهي ويانا : الاتعالوا وين شواقه ماشفتها
ريم : اخيراً راحت تتروش مابغت الله يهداها
خلود: حرام عليك شواقه انظف وحده فينا ههههههههههههههههاي
هيفاء : يوه شواقه حكايه مع النظافه موسوسه بشكل ماهو طبيعي تحب كل شي نظيف قدامها
ريم : ادري بس احب ارفع ضغظها هههههههههههههاي
رفعت حاجبي : وجع ان شالله لايكون ناويه على شي وانتي جايبه هالكلب الهايت
خلود : هههههههههههههاي حلوه الكلب الهايت الا اليتيم تراها جايبته من محل يعطون الكلاب ببلاش بس تربينهم وهي ماصدقت خبر وخذته يعني كلب لاجئ عندنا
ضحكت وضحكت ريم وياي : ههههههههههههههههههههاي والله انك صادقه
ريم وهي تمسح دموعها : ههههههههههههههههاي الله يلعنكم بس والله اني بعوف الكلب بسبتكم
استمرينا على الحش بريم وكلبها وشوي نسمع دق على الباب راحت خلود تركض عشان تفتحه
؛
؛
؛
؛
؛
؛
؛
؛
طلعنا نتمشى بكندا يوه لنا ثلاث سنين عايشين فيها كل سنه كانت لنا مغامرات فيها
هنا ضحكنا وهنا بكينا هنا جلسنا نحتفل على اول سنه نجحنا فيها وهنا كنا نضحك على راشد المنسم
والحين اخر سنه نكون بهالمكان واخر سنه نكون ويا بعض كل واحد بيشق حياته
انا مدري ليه اتعب نفسي بالتفكير يعني صحيح ان راشد وكايد ماهم ويانا نفس الديره بس بشتاق لهم حيل والله اني ماادري كيف اعيش بدونهم اخ يالدنيا مدري ليه ابي هالسنه تمشي بطيئ ماابي اتخرج ابي اعيش هنا
التفت على صوت راشد وهو يضحك : وش فيك تضحك
كان ماسك بطنه ويأشر : شوف ياهيف شوف الخبل كايد
شفت الا والقى كايد طايح بالنافوره انا ماقدرت مااضحك كان شكله يفطس ضحك والاجانب حوله مجتمعين
هههههههههههههههههههههههههاي
ركضنا انا وراشد صوبه الا وتركي جالس يصوره وعيونه غرقانه دموع من الضحك
هيف: حرام عليك ياتركي ليه تسوي فيه كذا فشلته
تركي وهويضحك: يستاهل الدب عشان مايجلس يتحرش فيني ويخليني بروحي ههههههههههههههههههاي
قلت له: ليه شهو مسوي لك
مديت يدي لكايد عشان اطلعه من النافوره لان ملابسه تغرقت وحنا بوقت شتاء وراح يمرض ياشين مزح العيال حيل ثقيل فصخت جاكيتي ولبسته كايد
راشد: وش مسوي ياكايد لتركي البلشه
كايد: هين ياتروك والله مااخليها لك بتشوف انا بسوي العن من الي سويته انت
تركي وهو يركض : سوها الحين خلني مع حبيبة البي وراح وهو ميت ضحك
قلت لراشد: يلا خلنا نروح للشقه قبل لايمرض كايد
راشد: يوه عاد بنبلش فيه لامرض يلا مشينا
؛
؛
؛
؛
؛
؛
شوق
توني طالعه من الحمام وجلست استشور شعري بعدها جلست اطالع بنفسي بالمرايه لايكون فيني شي ولا فيني وصخ ياي ياكرهي للوصخ كان شكلي مرتب برمودا جينز ويا بدي احمر وشعري الاسود الطويل الي يغطي كل ظهري خذيت القلوز وجلست احطه على شفايفي وشوي اسمع صوت الجرس قمت وطلعت من غرفتي
الا واشوف خلود عند الباب سألتها: منو
خلود : نورما جايبه لك كتبك
رفعت حاجبي وتنهدت : اي بعد زين جابتهم
خذيت كتبي ورديتهم بدرجي وبعدها طلعت على صراخ البنات
: السلام عليكم
الكل: وعليكم السلام
شفت كلب جالس يمشي بالصاله ويجلس بحظن ريم وعلى الاكل ولاعت كبدي: وجع ان شالله منو جايب هالكلب الماصخ
ماحسيت الا البنات متسدحين وريم متخصره قبالي : انتي هيه مسويه روحك نظيفه ترى واوا مقيم دائم ان طلع طلعت وياه مافيها كلام
فتحت عيوني على الاخر : نعم نعم الحين مقامك ومقام الكلب واحد
هيفا: خلاص شواقه غصب بتتعودين عليه
قبل لااطلع شوفوا انتي وياها هالكلب مايجلس وان جلس ماابي منك تهميلنه انتي ماتخفين من الامراض هاه اهم شي ابيك دوم تودينه للبيطري تفهمين
شفت خلود منسدحه وميته ضحك وش سالفتهم اليوم كله ضحك بضحك : انتي وش فيك بعد
قالت وصوتها يتقطع من الضحك: ماتدرين انه لاجئ وحالته حاله يعني يمكن الحين مريض هو
انا من قالت مريض وانا احط يدي على خشمي واشر بيدي تبعده عني لاني اشوفه يقرب صوبي
: ريموه شوفي دبري روحك انا ماراح اطلع من غرفتي لين هالكلب يطلع من الشقه فهمتي ولا وديه للبيطري
هزت ريم راسها وهي تقول: من عيوني بس انتي الحين فكينا من هالسيره واسمعو وش بقول لكم
انصدمت اول مره اشوف ريم جديه طول حياتها ضحك وخبال ليه اكيد فيه مصيبه
؛
؛
؛

الجزء الثاني
::
::
::
::
::

تركي

تحسفت على الي سويته بكايد كان مزحي حيل ثقيل والمفروض ماادزه على النافوره واخليه يغرق بالماي والجو بارد بس ماهو بارد حيل كان الجو زين يعني بس قهرني بالي سواه جالس اتميلح قدام ام العيون الزرق والشعر الاشقر
ويجي يخرب علي ويقولها اني فيني مرض الله ياخذه ماشفت الاغبرت البنت
والله اني ماارتحت الا يوم شفته طايح ههههههههههههههاي ياحلاته دوم احب اتهاوش معه مدري ليه
رحمته وهو مسخن وجالس يعاطس كل شوي وخشمه احمر جبت له كاس حليب وعطبته
: تفضل ياحبيبي
كايد: حبك برص يالشين
ضحكت على وجهه مايحب يمرض يكره المرض مايحب يقعد بالبيت راعي دجه الولد
: ليه يابعدي وش انا مسوي
كايد: يعني مسوي روحك بريئ قولي طلعت معها الشقرا
رفعت حاجبي وغمزت له: افا عليك بس مااعجبتني ماابيها تبط الكبد كل شوي جيب وسو خلها تولي في غيرها كثير
كان مطلع لسانه ويضحك: حسافه كان ودي ماتجيك ابد بس راحت علي لو ماطيحتني النافوره كان خذيتها منك
جلست اضحك عليه وقلت له : انت الحين مريض محد يبيك
دخل علينا هيف وياه القهوه وراشد وراه وياه صحن حلى وجالسين يضحكون
قلت: تعال هيف يمي تعال خلنا نذوق قهوتك
راشد : انت هيه ابد ماتعرف للذوق يعني ليه ماتقوم تجيب ولاتسوي بس حنا الي نسوي وانت ماتسوي شي
قلت له: افا يارشود هذي اخرتك هاه عشان قهوه وصحن حلى بتذلني
راشد: اي بنذلك وحنا نقدر ياتروك
ضحكت عليه دايم حتى وهو يمزح قلبه طيب مايقدر يكمل المزح ماهو زي كايد الي مزحه ثقيل
تعال جنبي بس وانت ساكت
هيف: سم القهوه
خذيت القهوه وجلسنا نتقهوى ونطق كايد
كايد: بكرا علينا امتحان وانا للحين مافتحت شي وهو انواع التعقيد نسيته
هيف وهو يبتسم : انت نسيت بس انا مذاكرواذا تبي اساعدك ترا ماعندي مشكله قسمنا واحد
راشد: الله والقسم عاد تراه برمجة كمبيوتر مايبيله شي اجلس عفس وتطلع ممتاز
ضحكت على راشد دايم ياخذ الامور ببساطه : لاحبيبي يبيلها ولا ليه ماخذين بعثه حنا هاه
كايد: طيب ساعدوني انا مريض وحاتي حاله من الله يامحسنين
ههههههههههههههههههههاي
حطيت يدي على صدري وقلت: وانا اخوك تشحذ وانا موجود حبيبي ابشر بالي يصلح لك احسن البراشيم ولاتضيق خلقك وبغششك وش رايك
غمز لي كايد وبهمس: نبي البراشيم وشي ثاني تساعدنا فيه دامك ضارب صدرك
ضحكت واناادري وش يبي بس يبطي عظم والله ههههههههههههههههههاي
: اقول اسكت لااعلم عليك اسكت احسن لك
التفت هيف وهو رافع حاجبه: وش فيكم وش الي بينكم
كايد : ولاشي ولاشي بس يقول انه بيغششني
طالعته وانا عارف انه يرقع للموضوع بس ماعليه دواك عندي ياكيود
؛
؛
؛
؛
ريم
ماعرفت كيف اقول البنات الخبر بس مااقدر اخبي عليهم شي حنا متعودين كل شي يصير لوحده منا تعلم الثانيه عنه يمكن يلقون لي حل بصراحه انا من يوم قالت لي امي الخبر وانا مصدومه متى وليه وكيف
كلها تحاذفت على راسي مابقى شي وارد لقطر والمفروض ارد وانا مبسوطه لكن شكلي برد وانا دموعي على خدي ياربي هون علي مصيبتي وخفف عني الامر قطع علي صوت شوق الي كانت تهزني من كتفي
شوق: وين رحتي ريموه خوفتينا قولي شعندج
ترددت كثير ونزلت عيوني بالارض وماحسيت الادموعي الي غرقت وجهي
ارتمت هيفا على وضمتني لصدرها حيل زادت شهقاتي وانا اشوف البنات حولي
شفت هيفا وهي تمسح دموعي وتقول: مافي شي يستاهل ريموه انك تضيقين خلقك على شانه اذا ماتبين تقولين خلاص عادي اهم ماعلينا راحتك
هزيت راسي اني ابي اقول وعدلت قعدتي وبصوت متقطع: كلمت امي امس وليتني ماكلمتها
قاطعتني خلود: حرام عليك مهما صار لاتقولين هالحكي
طالعتها وانا بقمة العصبيه : انتي ماتدرين وشهي مسويه لو انتي مكاني كان قلتي اعظم من هالكلام
شوق وهي تهدي : خلاص خلود خليها تتكلم ونفهم السالفه بعدين نحكم
زادت دموعي وشهقاتي وبتنهيدهـ : امي تبي تزوجني هي وابوي اتفقوا واتخذو القرار بالنيابه عني لولد عمي الزفت فارس
هيفا: ماهو بكيفهم يحددون مصيرك انتي الي تحددين هذا زواج موب لعبه
جلست ابكي وانا اصارخ : انا تعبت والله تعبت دوم يتحكمون فيني بس الين هنا وبس ماني مستعده اضيع عمري ويا شخص مااحبه وشخص اقل من تافه يعني عشانه دكتور وانا متخرجه من كندا هذا النسب راح يشرف امي وابوي وعمي ومرته اهم ماعليهم المظاهر كرهت عيشتي وكرهت نفسي وكرهت حياتي كلها
شوق بحزن: استهدي بالله ياريم وان شالله مايصير الا الي يرضيك راح نفكر وياك بهالمصيبه الي طاحت على راسك يعني المفروض يفكرون شيسون لك حفله شي موعلى طول تتخرجين منا وتعرسين منا
ماتتهنين ابد
خلود: ريم تونا ببداية السنه ياقلبي قدامك اكثر من ثمان شهور تفكرين فيها عدل يمكن تكونين مخطيه بولد عمك ويمكن يصير طيب ماهو شرط انك تحبينه عشان تتزوجينه فكري بالمنطق
ماادري ليه لما تتكلم خلود تبط كبدي رديت عليها وانا امسح دموعي : انتي ماعندك اب عشان تعرفين معنا السيطره ولاام تتحكم فيك
ليت لساني انقطع ولاقلت هالكلام لها ولمنو لخلود الطيبه والي بحالها والخدومه شفتها تقوم من قدامي وعيونها غرقانه بالدمع
هيفا: ريم البنت ماقالت شي غلط وانتي ماصدقتي خبر تجلسين تعايرينها هدي
قمت من عندهم وانا ماني طايقه روحي ورحت لغرفتي ابكي فيها واحاول انسى الهم شوي


::
::
::
::
::
راشد
دشيت غرفتي عشان اخذ لاب توبي واجلس ويا هيف وكايد وتركي رغم ان الجلسه معهم كلها مطاق
وخصوصا كايد وتركي وهيف يضحك ويحاول يهدي الامور واحياناً يشعلل
فتحت المسن وانا جالس وياهم
انتظرتها تدش ومادشت
يوه مادري كيف احب عن طريق مسن بس كيف اعشق وانا ماشفتها ماادري هي تكذب ولاصادقه
كل الي اعرفه اني حبيتها وبس وكل كلامها يرد الروح لي تعجبني خفة دمها ويعجبني فيها هدؤئها المفاجئ
تعجبني فيها عصبيتها انبسط لمااشوفها تغار وانبسط اكثر لما تقولي احبك
اه اول ماقالتها لي ماحسيت بروحي بعد ماجلست معها سنتين توها تنطق بهالكلمه توها تنطق حسيت اني اعرفها من زمان كل شي يصير وياي احب اقوله لها حاولت اعرف عنها اشياء بس هي ماتحب تتكلم عن خصوصياتها لين تثق صعب انها تثق في اي شخص ولو هالشخص حبيبها
انبسطت اول ماشفت اسمها مسجل على طول دشيت عليها

انا وخلي كل دار وطنه :
ولكموووووو
يادفاي بعز بدري ياشقاي ان زاد وجدي :
يسلمو
انا وخلي كل دار وطنه:
كيفج ان شالله بخير
يادفاي بعز بدري ياشقاي ان زاد وجدي:
بخير ياوجه الخير انت طمني عنك
انا وخلي كل دار وطنا :
تمام وينج من امس انطرج وانتي موب صوبي وش فيج لايكون متضايقه
يادفاي بز بردي ياشقاي ان زاد وجدي:
ولاشي
انا وخلي كل دار وطنه:
علينا ياوضحى قولي وش فيج
يادفاي بعز بردي ياشقاي ان زاد همي :
شوف راشد لو في شي راح اقولك الحين انامالي خلق انا جايه اسلم واطلع باي

شف شف البنت صج لو هي قدامي اعطيها طراق يسنعها لكن هين بتجيني مارح تطولين بالغياب ياوضوح
قطع علي صوت هيف الي يضحك
هيف: ت
ركي انا مااقولك ان رشود وراه شي يلا اعترف منوتحب
تركي : ياعمي تلقاه الحين بالشات ولامسن مسوي فيها رومنسي
كايد:اقول رشود تحب من ورانا شوف اذا عندها اخت تراني موجود
تركي : انت ماتمل من الحريم يلعن خيرك زير حريم خلك ثقيل
كايد : انا خليت الثقل لك اشوف بنات كندا كل مامريت يمهم قاموا يشتمونك ههههههههههههاي
هيف:ههههههههههههههههههههاي قويه والله قويه
تركي: اانا ولاانت الي اقرب نعله يصكونها براسك اقول سالفة ذيك
هههههههههههههههههههههههه
هيف : بعد بعد طلعوا فضايح خلونا نشوف اخوينا السرابيت وش مسوين
تركي: والله اني ماني سربوت واني اسم الله علي امشي جنب الحيط
كايد: وانااحسن من تركي انا مؤدب اي بنت تمر قدامي اغمض عيوني مو زي تركي ابحلق فيها
الكل:ههههههههههههههههههههههههههههههههاي
تركي : علينا انا ولاانت الي تفتح فمك هاه اسكت لاتخليني اطلع
كايد:هههههههههههههههاي خلاص اسكت انت
تركي : لاانت الي اسكت
كايد: اسكت آنت
تركي: لاانت اسكت
هيف : يلعن خيركم اسكتوا كلكم يالله لك الحمد على نعمة العقل عطهم شويه من عقلي
الكل:ههههههههههههههههههههههااي
ماصدقت انهم ينسون موضوعي قمت بسرعه بدون مايحسون فيني
وخليتهم على خبالهم الي هم فيهـ خخخخخخ

؛؛
؛؛
؛؛
؛؛
خلود

انصمدت من كلام ريم ماتوقعتها بتسويها الله يهداك ياريم جرحتيني حيل كلمتك كانت قويه
ليتني ماقلت لهم عن امي وابوي ليتني ماتكلمت ولافتحت فمي على سر من اسرار العائله
يتيمه ياكثر ماسمعت هالكلمه هايته ياكثر ماانقالت لي وحيده ياكثر مارددتها لنفسي
حسيت بدموعي تغرقني فتحت درجي وطلعت صورت امي وابوي والسعاده الي تملئ وجيهم
بكيت وبكيت على نهايتهم ليتني ماطلعت على هالدنيا ولااني اتسبب بهالشي لهم
مايصير الي اسويه بنفسي خلود انتي قويه لاتضعفين تأكدي ان ريم ماتقصد ريم حبوبه
بس مشكلتها لاعصبت ماتعرف احد ابد والي بموقفها مارح ينبسط
ناس تجيهم نعمة الاهل ويكونون نقمه لعياهم وناس ينحرمون ويتمنون ان اهلهم عايشين حتى ولو كانوا نقمه علينا اخ يازمن طول عمرك ظالم وغدار على كثر ماخذيت مااشوفك عطيتني
الا البعثه الي صارت لي هي الشي الوحيد الي غير مجرى حياتي كله
طلعت من بيت الشؤم خالتي احترت لما عرفت اني حصلت على البعثه
كانت دوم تقارن بنتها فيني وكان بينا فرق كبير حيل حيل انا شمال وهي جنوب
عكس بعض بكل شي ماكنت اهتم لما كنت زي الخدامه بيت خالتي اقل شي
هي الي حنت علي وخذتني من الشارع ولازم ارد لها المعروف مهما كانت قاسيه علي
صحيح ان ابوي كان عنده خير وكنت اعطيهم بس ماكنت اهتم للفلوس كثر ماكنت انبسط
لمااكون بين خالتي وزوجها وبنتها وولدها احس اني وسط عائله رغم انهم دوم مشاكل
الا انهم عائله ماهي مشتته صحيح لحظات احس فيها بالوحده
بس اهم شي حولي احد صحيح ان بنت خالتي متقلبه مره معي ومره ضدي بس كان في شخص يمسح دموعي
والحين بكندا ثلاث سنين عشت فيها ويا ريم وهيفا وشوق حسيت انهم دنيتي كلها
وريم اعتبرها اختي الي ماهي من لحمي ودمي لكنها بقلبي غاليه بالحيل زادت دموعي
ماادري كيف راح اتم زعلانه عليها بس لازم احسسها انها تحاسب كلامها ولاتوصل لحد التجريح
حسيت بباب غرفتي بنفتح التفت الاواشوف ريم وهي تبكي قربت صوبي واحظنتني
ريم :طلبتج ياخلود لاتزعلين من كلامي انا اسفه وهذا انا احب راسج والعذروالسموحه
حسيت بالحنان وانا بحظنها وكل الي اسمعه شهقاتي العاليه احبها والله اني احبها رغم لسانها الطويل الا اني احبها
: ماعليه انا عاذرتج وانا اسفه اني غلطت عليج اسفه ياحياتي
ريم : تدرين انج غاليه علي بالحيل وانتي تعرفين ان لساني طويل
جلست اضحك عليها وانا امسح دموعي الا واشوف هيفا وشوق واقفين عند الباب وفاطسين ضحك
هيفا: ههههههههههههههههههاي كملوا الفلم الهندي حقكم
شوق وعيونها غرقانه دمع: هههههههههههههههههاي احبج ياريم والله اني بموت ضحك عليكم يالمخابيل
جلست اطالع بريم وانفجرنا ضحك بجد كنا هنود: ههههههههههههههههههههههههههههاي
شوق : بنات بروح ابدل ملابسي وبطلع اشم هواء احد بيجي وياي ولا ادق على نورما واروح وياها
ريم : انا بروح بصراحه انا حيل متضايقه ابي اشم هواء بعد وياج
خلود : وانا وياكم مالت عليكم ولاتبوني اقابل الطوف
هيفاء: ياربي يعني لازم اروح اجل وياكم ابدل ملابسي واجيكم اخصلو علينا لاتنسون باجر امتحان ونبي نفتك
شوق : بطلع ابدل والبس حجابي والقاكم جاهزين

وبعد ماخلصوا البنات طلعنا للكوفي عشان نروق وبعدها نرد للبيت

::
::
::
::
تركي
مدري مشتهي اطلع وتلفوني له ساعه يدق وحده من المخمه الي وياي تبي تشوفني وانا مالي خلق لها خلاص عفتها وكايد نفس الحكايه يبي يطلع طالعت فيه وانا ارفع حاجبي: اقول ماودك نطلع ساعه ونرد
طالعني وهو يبتسم: وين تبينا نروح له تبينانروح للبار
ابتسمت له حتى وهو مريض لازم يروح غمزت لهـ : قدام ياكيود بس لايدري عنا هيف ولا رشود
كايد وهو يضحك: اكيد تبيهم يجلسون يعطونا محاظره يلا بسرعه بروح ابدل والقاك خالص
طلع كايد وهو يعاطس وحالته حاله جلست اضحك عليه الله مشقيه الله يهداك ياكايد ويكفيك من حب الحريم
رحت البس وطلعت لي جكيت احمر وياجنز وبدي ابيض كت
طالعت بشكلي وكان جذاب شعري الي مرجعه الورا وعيوني السودا وبشرتي الحنطاويه وجسمي كان لايعلى عليه لاني احب العب حديد
نزل كايد وشافني وهو يضربني على كتفي: ياخي اثاريك قطعه يالمزيون
ضحكت عليه هو كان حلو بس روحه احلى بكثير التفت عليه بغرور: اليوم بطيح كل الي بالبار
ضحك علي وقال كايد: دامني وياك بيطيح كرتك ههههههههههههاي
فتحت عيوني على الاخر : توك تقول اني مزيون
طالعني وهو يرفع حاجبهـ : بس ماقلت انك احلى مني
جلسنا نضحك وحنا نتهاوش كل ساعه لين وصلنا للبار
كايد: عطني كاس وسكي
التفت عليه وانا مبتسم: اقول لحد يكثر مالي خلق اشيلك وياي
كانت عيون كايد على وحده شكلها غريب كانت سمرا بس جسمها عذاب
وكايد اكثر شي يحبه بالمره الغميزات وكانت فيها غميزه حيل قويه حتى وهي ساكته واضحه غميزتها ولاابتسمت وضحت اكثر
ابتسم لها وهي تبتسم له اخر شي جت صوبه
قعد يتكلم ويمدح فيها ويتغزل
وهذا مواله من عرفته يقول لكل بنت احبج واعشقج وانتي حلوه كتير كتير
انفجرت بالضحك وانا اطالعه وهو يمسك ايدها عشان يرقص :هههههههههههههههاي
كايد ياخي انت ماتعرف ترقص اجنبي لاتحرج روحك
كايد: عادي خلنا نتعلم ههههههههههههاي
جلست اضحك وانا اطالعه وهو يرقص بجد شكله يفطس ضحك
المره تفشلت منه وراحت وخلته وانا انسدحت عليه
هههههههههههههههههههاي
قويه والله ياكايد
كايد وهو معصب: الله ياخذها بس حقيره بنت 00
قلت له وانا امسك ضحكي: قلت لك من البدايه لاتحرج روحك بس انت ماسمعت
طالعني بنظرة غضب وطلع من البار وجلست الحقه وانا منسدح من الضحك

::
::
::
::
::
ريم
والله وناسه وحنا جالسين نشرب كوفي ونطالع الي رايح وجاي صحيح فيه نظرات لنا لانا خليجين بس
ماكنا نعطيهم بال وفي بعض النغزات الي تجينا بس انا موجوده والي يقط كلمه ارد عليه بعشره
ومااسمح لحد انه يتكلم علينا لانا عرب وعلى قولتهم ارهابيات ههههههههههههههاي
عاد بالله اشكالنا اشكال ارهابيات هيفا بسبة هالشي قطت الحجاب لانها تعبت من كثر مايتكلمون فيها
وهذا هم الي يبونه وانا البس حجاب بس حجابي ماهو اسلامي مطلعه الشعر وحالتي حاله بس شوق هي الوحيده الي حجابها اسلامي وبجد هالبنت فيها كبرياء وشموخ ماشفته في احد اعجبتني اكثر واحيان ابي اصير زيها بس اتراجع واما خلود هي ماتلبس لان محد يقولها البسي واذا جت السعوديه حطت اللثمه بس الحين ماخذه راحتها مع هيفاء وهم الثنتين الي حاولنا فيهم انا وشوق انهم يتحجبون بس هم رافضين
وبالاخير حريه شخصيه ومانجبر احد مصيرهم يتسنعون
كانت هيفاء عيونها على الناس الي تمشي خارج المقهى وكان فيه اثنين مره يتهاوشون ومره يضحكون
هيفاء جلست تطالع بالاسمر وعريض وحيل طويل عيونه عسليه وكان شعره مجعد
حسيت عيونها بتطلع من محلهم وهي تشوفه جلست اقط عليها عشان تستحي على دمها
: بنت استحي غضي النضر عنه لاينتبه لك الحين ويجي ويبلشنا
هيفاء ماكنت وياي وكانت مسرحه فيه والتفت صوبها وطاحت عينها بعينه
صرخت عليها : هيفاااااااااااا عيب
التفت علي بخوف: شنو شفيك انتي
قلت لها وانا اطالع بالرجال الي وقف مكانه : ياختي كليتي الولد بعيونك خفي عليه
ابتسمت وقالت: الله يرجك وانا احسب اني مسويه شي غلط تدرين انا كنت اشوفه احسه خليجي مدري ليه
ورجعت تطالع فيه مره ثانيه
اخيراً تدخلت شوق
: هيفاء شنو هالحركات الماصخه خلاص خلي الولد لاتجلسين تخزين فيه يعني كنج تقولين رقمني
هيفا بتأفف : اف منكم الواحد مايرتاح ابد خلاص مارح نشوف وجلست تشرب كاسها وهي معصبه
خلود : اقول بنات الجلسه صارت ماصخه قوموا يلا قوموا تراورانا مذاكره وخلو عنكم هالمخابيل
وبعدين عادي لو شافته شنو ترا حنا بكندا
يوه لاتتكلم احياناً تتكلم درر واحياناً حلاتها ساكته خخخخخخخ
طالعت فيها : يلا مشينا ياام الدرر انتي اجل كندا وش نسوي دام حنا بكندا هاه نغازل براحه لان ربنا ماهو فوقنا ربنا بس ببلادنا صح
ضحكت شوق وهي تقول: والله انج صادقه يلا امشوا وانتي ياخلود لاتتكلمين وانتي مو محاسبه لكلامك
خلود وهي تبتسم : مالت عليكم بس مافي شي ببلاش حتى الكلام تبوني اطلعه بحساب
هيفاء قامت وهي تحاول تبعد نظرها عنه بس تسرق النظر له وهو ولاتحرك
رغم ان خويه يحاول يحركه ومازال واقف
طلعنا من الكوفي وشفناهم قبالنا
مرينا من صوبهم ومازالت هيفا تطالع فيه بنظرات غريبه وهو اغرب
اهم شي اني نسيت موضوع الزواج من الزفت فارس وارتحت
الله يخليهم لي بجد حسيت انهم يحاولون ينسوني باي طريقه وبالفعل نسيت هالسالفه
وان شالله لي تفاهم وحل ويا المصيبه الحين بطويها ولا راح افتح هالصفحه الا لاوطت رجلي قطر
هناك لكل حادث حديث

::

::

::

::

::
البارت الثالث ::
::
::
::
طلعت من الامتحان وانا ادري اني مزفت فيه وتروك شغله عندي قال ايش قال بغششك
وماشفت خشته صوبي ولاحتى التفت صوبي هين شغله عندي
بس يالله انا استاهل طول اليل مافتحت الكتاب
اصلاً شدعوا قدرت اذاكر اخ بس ليتني اعرف ليه ماذاكرت امس ولاقدرت انام
شوي اشوف الشباب ملتمين حولي
هيف: خلاص لاتكدر خاطرك ماعليه عندك الشهر الجاي تقدر تعوض فيه
التفت عليه : ماهو مهم ماعندي مشكله اعيش بكندا ياخي مااقدر افكر اني ارجع لديرتي
كل ماسافرت لسعوديه احس اني غريب رغم اني بوطني وبين اهلي بس احس بالغربه
خلاص كندا احسها بلادي
تركي: اسكت بس يعني بتقول انك تتنكر لوطنك الحين
راشد: افا بس ماتوقعت هالكلام منك ياكيود
جلست اضحك عليهم وقلت : يعني بتقولون لي انكم ماتحسون زي الي احس فيه لارجعتوا لدياركم
شفت السكوت يعم عرفت انهم زي شعوري
حبيت اغير الموضوع
امشوا بغديكم بسبب فشلي
هيف وتركي وراشد: ههههههههههههههههاي ليتك فاشل دوم
طالعتهم بنظره تكسر الخاطر: حرام عليكم تبون ترجعون لدياركم وتخلوني هني مقطوط
تركي: والله ثم والله لو انك فشلت يا كيود لااجلس معك مقدر اعيش بدونك ابد
طالعت فيه وانا اضربه : ياكذبك انت اسكت كلهم يتكلمون الا انت ياخاين وين الي بيغششني يالنذل
وجلست اطقه وهو يضحك ويقولي : اصبر خلني اشرحلك انت ماشفت الدكتور واقف عند راسي يعني وش تبيني اسوي
تركته بعد ماحسيت الي براسي طاح : يلا يلا اذلف لاتجلس تقص علي وين البراشيم الي وعدتني فيها
تركي: طيب ليه ماذاكرت وش الي فيك
طالعته وانا امشي ويا راشد وهيف : مدري لاتسألني لاني مدري وش الي صار فيني
غمزلي وبهمس: لاتقول طحت بالحب ياشيخ
ابتسمت له وقلت: لاطحت انت تاكد اني معك
تركي: ياربي انت نشبه تدري يعني معي بكل شي
حطيت يدي على رقبته : مشكلتي احبك واي شي تسويه انا معك فيه لو تموت بموت
تركي: طيب لو بنتحر تنتحر
رديت عليه وانا كاتم الضحكه: بس بشرط انت ترمي روحك بالاول
طالعني وهو يغمز : علينا عشان اموت وتاخذ فوق تحت ولاتنتحر معي
انفجرنا ضحك:ههههههههههههههههههههاي

تدري تركي: انا وانت فاهمين بعض من غير مانتكلم
غمزلي تركي: والله مدري عنك انت غامض وانا واضح
هيف: هيه انتو ماودكم تسكتون تراني مصدع من الامتحان وزاد الصداع من صراخكم
راشد : خلوني ارد البيت بسرعه
هيف: وش عندك ياخي
راشد: نسيت لاب توبي
هيف: لاحق عليه انت صاير مدمن عليه مدري وش لك فيه
راشد: ولا شي الواحد مايدش نت بعد
::
::
::
::
::
طلعت من غرفتي وانا اسمع صوت الصحون والملاعق تتصاك ويا بعض عرفت انهم تغدو وزي العاده ماكاني عايشه وياهم وبسرعه رجعت لغرفتي عشان اسنعهم طلعت الواوا من القفص وبسرعه دزيته لهم
هو ماتعشى من امس ناسيته حطيته بالقفص عشان الست شوق بس الحين خلها تتسنع عشان تناديني مره ثانيه
وماحسيت الا صوت صراخهم
رحت اركض صوبهم وانا ارسم ملامح الدهشه على وجهي : خير وش له هالصاراخ
شوق وهي فوق الكنبه: وين نشوف الخير والكلب ابن الكلب ساكن ويانا
تخصرت وانا مسويه روحي مااشوفه: ليه وشهو مسوي
خلود: حسبي عليه الغدا وش حلاته من ايدين شواقه شوفيه خرب علينا غدانا
هيفا بتافف: شوفي لاتسوين روحك مو عارفه شي ادري انتي الي دازته ولا وش مطلعه من القفص بروحه
سويت روحي بريئه: حرام عليج انا اطلعه بعدين من امس مطلعته من القفص وهذا كلب ماهو عصفور احبسه بالقفص يعني انتوا الي خليتوني انساه ولااعشيه
خلود: منو قالج تجيبينه وانتي مو قد المسؤليه هاه
شوق: اكرهج ريموووووه ذلفي انتي وياه شوفي قعد يلعب بالعيش والدجاج شيليه
تخصرت وجاوقت الحقيقه: تستاهلون محد قالكم انكم تسحبون علي ولاتنادوني للغدا
تعجبني واوا اكل عليك بالعافيه ياحبيبي
خلود : قسم القسمات انج سخيفه الحين تسوين كل هذا لانا ماناديناج تدرين صارخنا وانتي موب يمنا
رفعت حاجبي: محد قالكم ماتجون صوب غرفتي وتدقون الباب علي ماتعرفون للأتيكيت
هيفا: الله ياخذ الي علمك الاتيكيت اسكتي بس مالي خص روحي اشتري لنا غداء قومي
ريم: ومنو قالكم اني بقوم ماني قايمه
وجلست على طرف الكنبه
بس الي شفته خوفني كل البنات التموا حولي يبون يطقوني
وقفت قبل لايهجمون علي: خلاااااااااص بروح مالت عليكم
شوق: ولابعد قبل لاتروحين شيلي الاكل الي حاسه كلبك المصون
جلست اتأفف امحق جيت بأضحك عليهم ضحكو علي
هيفاء : لاطولين علينا بسرعه اشتري وتعالي
طالعتها بنص عين: شين وقوي عين احمدي ربج اني بباشر عليج
شوق: اسكتي بس ويلاذلفي
خلود : لاطولين انتبهي لروحج
خذيت واوا وياي وطلعت من عندهم وانا اضرب الارض من الحرهـ
غبيه لو اني سكت كان مادروا اني متعمده بس لازم اتكلم مااسكت
ونزلت بسرعه من الشقه للمطعم القريب صوبنا ودشيت وزي العادهـ يطالعون فيني
كني شخص غريب مااهتميت وجلست اطلب حسيت واحد وراي يقط حكي ماصخ
التفت عليه كان يخوف عبد وشعره كشه وجالس يسبني خفت ارد عليه
كندي وابن البلد خفت لااصير ملح بيدينه بس ماقدرت اسكت وهو يسب فيني وفي حجابي
التفت صوبه وبهمس وبنفس اللغهـ الي يكلمني فيها: لو ماني تافهها وحقيره ومنحطه زي ماتقول ليه جالس تكلمني اجل ابعد عن طريقي لااكسر لك راسك ياعبد
انا مدري ليه لساني متبري مني قلت هالكلمه ولاماقلتها شفت شياطينه طلعت قدامي انا خفت
بس ماحبيت ابين له اني خايفه وقفت بمكاني وكلبي جلس ينابح عليه اي تعجبني ياواوا هذي شغلتك
الدفاع عني ياحبيلك ياشيخ حسافه ليتني جايبه اكبر عشان ياكل هالعتوي الي قدامي
جلس يسبني بالاجنبي وانا مسويه روحي اضحك وكني مااسمعه ابي اتحرك وكل مارحت يمين
رح يمين التفت حولي ابي ناس مني وفيني عرب عرب حسيت روحي بفقد اعصابي
وانفتح الباب الي دخل فيه اربع شباب تكلمت عربي عشان اعرف اذا عرب ولا
: الفزعهـ ياعيال العم
ماحسيت فيهم الا مبعدينه عني حسيت بالراحه قرب صوبي واحد يشق العين
: لايكون اذائج اختي ولا سوا لج شي
قلت والعبره خانقتني: لا بس يسب وبغى يمد ايده لو ماجيتوا
واحد منهم تغيرت ملامحه: يخسى والله اهم شي انتي المفروض ماتطلعين بروحج وهالاشكال لاتردين عليها
انتي بتسببين لروحج مشكله
رد عليه الي كان يمي: خلاص خلاص اهم شي الموضوع انتهى والبنت ماتدري لاتخوفها هيف
حاولت ابلع ريقي واطالع بالي يمي : يعطيكم العافيه الحين خلوني الحق على البنات لايخافون علي
طلعت من عندهم وانا اجري بسرعه ابي اروح الخوف اعماني بغيت اموت على ايدين العبد
ماصدقت اوصل للشقه واصرخ بأعلى الصوت
بنااااااااااااااااااااااااااااااااااااات
ماحسيت الا الي يتناقزون قدامي
هيفا: وشفيك
قلت بغباء: هاه ولاشي بس الغداء
شوق: ماصار غدا صار عشاء يابنت ساعه
جلست احك راسي وانا اضحك: خلاص تبونه ولاباكله انا وكلبي العزيز خخخخخخخخ
خلود وهي تاخذ مني الكيس: هاتي يامال العافيه خلينا ناكل
احترت اقولهم ولا قلت يابنت اسكتي احسن لج بكرا بيجلسون يحرمونج من الطلعه
وانا ماابي غير الطلعه هههههههههههههههااي
خلوني اكل احسن لي ^_*
/
/
/
/
غمضت عيوني وانا ارسم ملامح وجهها الطفولي نظرات عيونها الحزينه شفايفها المليانه شعرها البني
رزتها والشامه الي على خدها مدري ليه ماقدرت انساها رغم اني ماشفتها الالمحه
بس حسيت بشعور غريب من شفتها وانا مختبص من فوق لتحت
مااقدر انساها لازم ارد اشوفها مره ثانيه بس المشكله مادري هي وين ولا مكانها وين
كل الي اعرفه عنها اني حافظ صورتها بعقلي
حسيت بهزه عرفت منهو من غير ماافتح عيوني التفت صوبه
خير وش تبي
كايد : ياخي عطنا وجه لنا ساعه سوالف وضحك وانت موب صوبنا وش الي شاغلك
فتحت عيوني وانا ارفع حاجبي: الواحد مايرتاح وياك ابد لازم تنكد عليه وتشوش تفكيره
كايد وهو يضحك: والله الحال من بعضه حتى انت مختبص زيي
فتحت عيوني على الاخر: وش قصدك
كايد بهمس: قصدي الي شفناهم ومو قادرين ننساهم
ابتسمت دوم تفكيرنا واحد: اي والله ياكيود ابي اشوفها مره ثانيه
كايد وهو يغمز له: وانا بعد والله من شفت الغميزات الي بخدودها وانا اذوب فيها
طالعنا بعض انا وكايدوبصوت واحد: لايكون طحنا بالحب من اول نظره وحنا ماندري
وفجأه انفجرنا ضحك
ههههههههههههههههههههههههههههههههههاي
كايد: الله يرجك بس والله اشك بروحي انا
تركي: وانا بعد بس اي كوفي كنا عنده خلنا نروح له يمكن نشوفهم فيه مره ثانيه
كايد: المره الثانيه مارح اخليها تضيع من ايدي ابد
تركي: ولاانا
هيف: انتوا ليه جالسين واخذ ياحش وعط ياحش ماتعرفون تعطوني وجه انا ورشود
بعد حتى رشود ماهو صوبي فاتح المسن وجالس عليه وانا ياغافلين لكم الله
غمزت له وقلت: وش رايك تحب تراه احسن لك ومنها تعطيك وجه دام حنا ماعطيناك وجه
كايد:هههههههههههههههههههاي حرام عليك والله هيف هو سيد الكل
هيف وهو ماد البوز: خلاص لاتكلموني ياخونه يعني الحين شكيت انكم تحشون فيني
رديت عليه وانا اخذ الدله : لاوالله مانحش فيك بس اقولك ان كايد بيشتغل في الكوفي الي بالشارع الثاني
هيف بستغراب : من جده وش عنده كيود
كايد وهو يبتسم: اي بشتغل وبيشتغل معي تركي
هيف: ليه ماتجون وياي بالمطعم وتشتغلون بعد محتاجين نوادل
تركي: انت تدري اني ماني محتاج فلوس بس لازم اونس كايد بالشغل عشان لايتركه
كايد: اي وانا ماني محتاج بعد بس ابي اضيع وقت وانبسط وانا اصب للناس كابتشينوا واعطيهم طلباتهم
راشد: اقول انت وياه شكل ماوراكم غير الدجه لاتصدقهم هيف
كايد يضحك:ههههههههههههههههههاي شعليك انت خلك بشغلك احسن لك
هيف : والله مدري عنكم بس اهم شي خلوكم قد كلامكم واستمروا مو يومين بعدها ترجعون
مفصولين
ضحكت لما تذكرت اول شغله اشتغلناها كنا نغسل صحون بالمطعم
انا وكايد
انا امسح وكايد يغسل كان كايد مايهتم ويغسل اي كلام ماهو من قلب وانا امسح
ومره وهو يمد لي انا كنت سرحان وانكسر الصحن وجينا بسرعه قبل لايشوفنا احد
نشيل الصحن الي كسرناه ونخشه وصرنا على هلحال لين شك فينا صاحب المطعم
لان الصحون صارت تنقص ياكثر الي انكسرت من ايدي ونا امسح وياكثر الي كان يكسرهم كايد وهو يغسل
وياكثر ماكان كايد يبي يطقني بالصحن وفجاه ينكسر وننفجر ضحك انا وياه
وفي مكان نخش فيه الصحون المكسوره كان عباره عن مخزن فيه صندوق هذا كله صحون مكسره
وفجأه سوا تفتيش صاحب المطعم ولقى مخبأنا السري وعصب علينا وخلانا ننظف المطعم كل يوم بدون اجره
وانا وكايد منسدحين اخر شي طردنا من المطعم لان نظافتنا زي وجيهنا هههههههههههههههههههههههههاي
كايد: وش فيك تضحك
طالعته وانا احاول امسك نفسي: تذكر اول مااشتغلنا
كايد وهو ينفجر ضحك: تكفى اسكت تراها فضيحه لنا ههههههههههههههههاي
طالعته وانا امسح دموعي : الله يستر لاننطرد من هالكوفي بس
كايد: ماعليك هذا غير هذ بس نصب لهم كابتشينوا ومدري شنو
هيف وهو يضحك: منو قالك بس تصب حبيبي تصلح بعد
انفجرنا ضحك لانا عارفين انا بنجيب العيد بالناس : ههههههههههههههههههههههههاي
راشد: خلاص شباب والله بكرا بنسمع عنكم بالجرايد ارهابين مقهى قاموا بتسميم اصحاب الحي وذالك لمصادر مجهوله خخخخخخخخخخخخخخ
الكل:هههههههههههههههههههههههههاي
اما ارهابين مقهى ذي حلوه الله يستر بس لكن لجل عين تكرم مدينه
طالعنا بعض انا وكايد وكل واحد يقول متى اشوفها !!؟

::
::
::
::
هيفاء
الغرور منبعي العناد سلطتي صحيح ان غروري يتلاشى لما اكون ويا البنات لاني احبهم مااقدر ارفع خشمي عليهم لكن العناد مااقدر اتخلى عنه وكبريائي هذا جزاء لايتجزاء مني متناقضه انا
غريبه وبنفس الوقت كثير افهم نفسي وكثير مافهم لنفسي
فكري كله اليوم بالشخص الي شفته اخ عجبني طولهـ وعيونهـ العسليه سماره يجنن
حسيت بالهيبه لما مريت من صوبه عيونه من طاحت على عيوني وانا احس بشي غريب
حسيت بقلبي تزيد دقاته اكثر واكثر لما شفته مدري ليه ماطاعتني عيوني اني اغض البصر عنه
تعلقت فيه ولاابي غير شوفه حسيت فيه انه الشخص الي راح يفهمني والشخص الي بيسعدني بحياتي
حسيت بعيونه الي حكت انهـ وفي وفي وفي اهـ ياقلبي تتعلق بشخص من اول نظرهـ ياخوفي عليك انك ماتشوفه ابد وبعدها ماادري شراح يصير فيك وفيني
سمعت صوت الباب يفتح طالعت ولقيت شوق تجلس يمي على السرير

شوق:هيفا شفيك احسك مو على بعضك

هيفا: هاه لا ولا شي بس يتهيالك

شوق بشك:يمكن؛؛اقول هيوف شرايك اليوم نروح الكوفي منها نغير جو

هيفا بضيقه:بكيفكم بس انا ماراح اروح

شوق:لاوالله مو بكفيك رجلي على رجلك

هيفا:اوكي بس البس واجي

شوق بفرحه:فديتك والله يلا انا والبنات ننتظرك
::
::
::
::
::
::
::
::
::
عند الشبآب

تركي:هاه كايد متى ناوي نروح للكوفي

كايد:اااه وتسآل بعد انت وجهك امش قدامي خلنا نروح

تركي بضحك:ههههههههههههههه ياعيني ع الحب من الحين تتنهد الله يعينك بس

كايد:هههههه شف من يتكلم واغسل يدك اقول امش وانت ساكت

تركي: هههههههه يلآ

::
::
::
خلود:اقول صارلك ساعه تفرين في ذا المنيو خلصينا واطلبي

ريم بعناد:اممممممم بصراحه الي ابيه مو موجود

شوق :اففففف منك الي يسمعك يقول اول مره نجي هنا

ريم:لا ياعيوني ماراح ادفع على شي انا ماحبه

خلود وهي تضرب ريم:يابنت اخلصي ترى الرجال مل من الوقفه

ريم:اقول لاتطقين بس والله هذا الي ناقص

شوق وهي تناظر هيفا:هي نحن هنا

هيفا:______

خلود:صراحه بنات هيفا مو عاجبتني هالايام صايره تسرح كثير

ريم وهي تعطي النادل المنيو: ايه والله حتى انا احسها مو طبيعيه

هيفا:هاه بنات طلبتوا ولا لا

البنات بضحك:هههههههههههههههههههههههههههه تو الناس

هيفا: الحمدلله والشكر ياربي ماقلت شي يضحك

شوق وهي كاتمه ضحكتها:ايه صح ماقالت شي يضحك

::
::
::
:هههههههههههههههههههاي يارجال وخر انا بدخل اول

تركي:اقول وخر بس

كايد وهو يدز تركي دزه خلت وجهه طماطه قدام الي بالمطعم

:ههههههههههههههههههه هاه رديت حركتك ولا لا

خلود:هههههههههههههههههه بنات وربي بطني لا لا بس ما استحمل

هيفا بصدمه خلت البنات يسمعون همسها:لا معقوله هو

شوق:منو

ريم:هيوفه اسم الله عليك شتقولين انتي

تركي:حسبي الله عليك ياكيود انا اوريك

كايد:هههههههههههههههههههههههههههاي نسيت ولا اذكرك بالي سويته فيني

تركي:لا مانسيت يالدب

كايد:طيب يلا امش قدامي خلنا نروح لشغلنا

تركي:احب الثقه وش شغلنا تونا ماكلمنا المدير ماتدري يوافق علينا ولا لا

كايد:ماعليك منه بيوافق ان شاء الله
::
::
::
تركي:وربي انك صادق وافق

كايد:هاه ارتحت الحين مو قلتلك بيوافق

تركي وهو يطق راس كايد:انا اشهد انك رجال اقنعته بكل سهوله
::

شوق وهي توقف:يلآبنات خلونا نروح

خلود:ايه والله يلآ فيني النوم

ريم:هيه هيه انتي وياها وين رايحين تو الناس

شوق وهي تقلد ريم: هيه هيه شنو تو الناس ورانا دراسه

ريم بتأفف :ماابي ارجع اذا رجعت لازم افتح المسن واقابل امي

هيفاء تضحك: مالت عليك بس وش فيها افتحي وخلي امك تشوفك وانتي تذاكرين

خلود: عطيني امج سلف ياريم

شوق تضحك: كل واحد ماهو راضي بنعمته صج انا طماعين

هيفاء وهي توقف : مشينا بس والله لو بيدي مااخليكم تقوولون هالحكي ابد

ماكانت منتبهه بالشخص الي كان يمر من صوبها لانها التفتت على البنات وهي تكلمهم
ماحست بروحها الا وهي صادمه فيه
ريم بلقافه: وجع انشالله ماتشوف انت
التفت عليها وغمض عيونه بليا شعور: اسف اختي ماشفتك
هيفاء زادت دقات قلبها وهي تحس بأنفاسه الحاره حست بروحها ماهي قادره تتحرك
شوق: انت وش فيك مغمض لايكون صار فيك شي

فتحت عيوني الا واشوفها هي هي قدامي ماقدرت انطق بحرف واحد
حسيت بقلبي يزيد وحسيت بعيونها كلام لاهي قادره تقوله ولاانا قادر افهمه
ابتسمت وابتعدت وانا اطالعها وماحسيت بروحي الا صادم بالباب
والله ماعرفت وش اسوي كل الي سمعته ضحك تركي والبنات
الكل:هههههههههههههههههههههههاي
ريم : والله من الرجه الي فيه شكله ماهو صاحي ولاشراب
شوق : ابصم بالعشره اذا هو عاقل
خلود تضحك وكانت تحس بنظرات تحرقها طالعته ولقته يتأملها وهو يحاول انه مايوضح لصديقاتها
صدت عنهـ وكملت الضحك ويا البنات
وهي تحس ان وجها صار احمر من عيونه الحاره

صاح تركي وهو يكتم ضحكهـ : يلا امش كيود
التفت صوبه وانا احسها تضحك : بس شفتها تبتسم وغمزت لي بعيونها
لاتشوفوني انا سحت معت ذبت حسيت اني بحلم ماهو حقيقه
مسكني تركي وهو يجرني برا المحل لان رجولي ماقدرت اني اطلع واخليها

هيفاء
حطيت يدي على قلبي احاول اهدي دقاته المتسارعه مدري كيف سويت الحركه له
حسيت ان بينا تجاذب عيونا هي اللغه الي قدرت اعبر فيها ااحبهـ والله ماادري
بس الاكيد اني طحت بدرب الغرام ولاادري كيف اطلع من هالدرب ابد
حسيت بيد شوق وهي تجرني
: يلا امشي يابنت الى متى بتسرحين
ريم : شكله اعجبها هالاسمر خخخخخخخخ
خلود: وه بس اسكتوا يازين الي معه بس
هيفا: اسكتي بس والله انه حلو ماشفتي طوله ورزته والله يوم صدمت فيه اني ضعت حسيت روحي ولاشي قدامه
شوق تضحك: هههههههههههههههاي بصراحه حيل عملاق
ريم :تدرون حسيت في شي بس ماعرفته
خلود: شنو هالشي
شوق : لاتقولينه الحين خلينا نطلع وقوليه لنا بالبيت
ريم : طيب وين واوا كلبي ياويلكم ان ضاع
هيفاء: اسكتي بس من زينه
الكل:هههههههههههههههههههههااي


تحياتوـو ^_*


بـأنتـظــآآر ردووووووودكـــمـ وتعليــقــاتـكـمـ ^_^